ELEHIYA PARA SA AKING KAIBIGAN - Halimbawa ng Elehiya

Tumakbo ng mabilis ang oras

Para sa isang paglalakbay na ngayon ay lumipas

Para sa aking kaibigang buhay

na ngayon ay nasa hukay

Ang naiwang ngiti sa sulok ng tambayan ay hindi na matanaw

ang dating tawa , ngayon tila sa mga lumang video na lamang mapakikingan

at ang mga payo ay magsisilbing ala-ala

at ang dating nakatayo, ngayon ay nakahiga na

Nasaan kana-

Aminado ako na kwenestyon ko ang diyos kung bakit ikaw pa

Bakit sa pitong bilyong tao ay ikaw pa ang napili nya

bakit kung kelan nagkakakilala na tayo, saka ka pa nya kinuha

Napuno ng luha ang aking unan

matapos  kang maligaw sa  iyong huling hantungan

ang pangako ng walang hanggan ay naging isang kasinungalingan

"Kasi sabi mo walang hanggan pero may dulo"

Ang dating musika ay masakit na sa tenga

Ang tamis ay naging pait

ang mabango ay umalingasaw

at ang nandito ay nawala na

Muli hihingi ako sa bathala

Na sana ay lagi kong maalala

na mabubuhay ako

kahit wala kana